O
colexio de O Irixo (CEIP Virxe da Pena da Sela) leva anos colaborando
con Proanimales Carballiño. Este ano non podemos recadar penso para a
protectora polo
confinamento debido á propagación do coronavirus, e queremos compensalo
recadando diñeiro para axudar aos animais que Proanimales Carballiño ten
en
residencias. Acabamos de crear un grupo en Teaming para facelo. É unha
ferramenta que permite recadar fondos para causas sociais a través de
doazóns mensuais dun euro. Estas contribucións pódense desgravar ao
facer a declaración da renda, de maneira que de cada catro euros
entregados dedúcense tres, un 75 %. Este é o enlace:
https://www.teaming.net/oirixoprotexeaosanimais
Información sobre Teaming:
Ningún comentario:
Publicar un comentario