Cartas de resposta

Xa enviamos a primeira remesa de cartas ós nosos amigos do CEIP Atín-Cela de Mos. En canto cheguen, o mestre Óscar repartirá cada unha delas entre os seus destinatarios. ¡Estamos desexando que chegue ese momento! Mentres tanto, invitámosvos a todos a ver o vídeo no que aparecen os remitentes coas súas cartas de resposta.

Cartas desde Mos

O pasado venres, 7 de abril, tivemos unha sorpresa moi especial no colexio. Os nosos amigos do CEIP Atín-Cela de Mos enviáronnos varias cartas nas que falaban do seu colexio, dos seus marabillosos blog (saco sen fondo) e mestre (Óscar), e sobre eles. En breve, mandaremos nosas cartas de resposta pero, polo momento, e como adianto, presentamos este vídeo sobre esa xornada tan especial na que recibimos as cartas.
¡Moitas grazas, alumnado de 4º de primaria do CEIP Atín-Cela de Mos!
¡Moitas grazas, Óscar!

Libro de receitas do alumnado de 4º do CEIP Atín-Cela

O alumnado de cuarto de primaria do CEIP Atín-Cela elaborou un magnífico e moi interesante libro de receitas (aínda que máis que interesante habería que dicir... DELICIOSO). Grazas a súa xenerosidade, e a do profe Óscar, podemos desfrutar do seu esforzo e traballo publicándoo no noso blog.
¡En hora boa e moitas grazas!